Sot u zhvillua provimi i dytë i maturës shtetërore 2023, lënda: Gjuhë e Letërsi Shqipe.
Si edhe provimi i mëparshëm, maturantët e të gjitha shkollave të bashkisë Lushnjë u sistemuan në 4 qendra në shkollat e qytetit e pikërisht në gjimnazin “18 Tetori”, “Jani Nushi”, “Vath Korreshi” dhe “4 Dëshmorët”.
Në shkallë republike numri i maturantëve që iu nënshtruan provimit të radhës ishte 33 mijë nxënës nga të cilkët Lushnja kishte 743 maturantë.
Provimi në Lushnjë filloi disa minuta me vonesë për shkak se Ministria e Arsimit ndërroi në momentet e fundit administratorët vendas dhe nw vend tw tyre solli mësues administrator nga Fieri dhe Vlora, një pjesë e të cilëve erdhën me vonesë.
Nga informacioni që ka siguruar televiziobni 4 plus, ky ndërrim i administratorëve u bë për shkak se Ministria e Arsimit ka dashur të forcojë rregullin e zhvillimit të provimit dhe mundësisht të shmang ndërhyrjet për kompromise të nxënësve me mësuesit e qytetit.
Sipas rregullores, provimi duhet të zhvillohej brenda dy orë e 30 minuta, pra nga ora 10 deri më 12 e 30 minuta.
Jashtë kamerës, nxënësit u shprehën se testi ishte i nivelit mesatar, me pyetje me alternativë dhe krijimtari.
Nuk është ndonjë cudi e re fakti që ashtu si në provimin e anglishtes, edhe për gjuhën e lëtërsinë shqipe fill pas 10-15 minutave që kishte filluar provimi, doli testi në internet.
Pas orës 12 e 30 minuta, nxënësit dozëzuan përgjigjet e pyetjeve me shkrim dhe administratorët i kaluan ato me procesverbal në Zyrën arsimore.
Korrigjimi i provimeve të maturës bëhet në Tiranë nga një grup specialistësh të zgjedhur nga Ministria e Arsimit.
Përgjigjet e provimit nxënësit kanë mundësi t’i shikojnë edhe online, pas njoftimit që publikon ministria.
