Gjykata e Apelit ka lënë në fuqi vendimin për autorët e vrasjes së të miturit, Fation Bici. Në fuqi u la dënimi që Gjykata e Elbasanit dha më 29 prill 2024 që i dënonte në total adoleshentët me 46 vite.
Ndërkohë, babi i viktimës ka reaguar pas vendimit të apelit, duke e konsideruar një padrejtësi. Sipas babait të Fatjon Bicit, kjo është vrasja e dytë që po i bëhet djalit të tij. Ai shprehet i revoltuar, teksa ka kërkuar të merren masa.
Mësohet se në seancën e sotme mbrojtja kërkoi që të mos pranohej gjykim i shkurtuar, të kthehej në shkallë të parë ose në edhe një herë në Apel.
Bici u vra me thikë më 16 maj 2023 vetëm pak metra larg shkollës, në lulishten e qytetit të Gramshit. Katër autorët e dyshuar rreth moshës 15-16 vjeç, i bënë pritë kushëririt të Fatjon Bicit, me të cilin ishin konfliktuar në rrjete sociale.
