Nuk ka të ndalur agresiviteti i kompanive të naftës të cilët shfrytëzojnë rastin për të derdhur mbetje hidrokarbure në lumin Gjanica , sa herë që ka reshje shiu. Ditën e sotme pamja e lumit që përshkon qytetin është dëshpëruese ndërsa aroma e rëndë teje mbytëse. Kjo situatë shumëvjecare duhet të marrë fund thonë qytetarët tejet të indinjuar teksa u bëjnë apel institucioneve të zgjohen nga përgjumja.
Problemi është i zgjidhshëm thotë ambientalisti Qani Rredhi teksa thekson se gjobat e papërfillshme nuk ndikojnë aspak në zgjidhjen e situatës, por duhet të shkohet deri në pezullim të aktivitetit.
Pavarësisht denoncimeve të njëpasnjëshme për ndotjen alarmante të lumit, situata jo vetëm që nuk njeh përmirësim, por përkundrazi përkeqësohet.
