Çmimet e ushqimeve rriten çdo ditë. Të dhënat nga Instituti i Statistikave tregojnë se krahasuar me gushtin e një viti më parë buka, bulmeti, mishi dhe zarzavatet që shqiptarët konsumuan muajin e shkuar ishin 9% më të shtrenjta.

Sipas Instat krahasuar me muajin gusht 2022 rritja më e madhe e çmimeve vihet re në grupin “Ushqime dhe pije joalkolike” me 7.8%. brenda grupit të ushqimeve çmimet e nëngrupit “zarzavate përfshirë patatet” u rritën me 20.8%, pasuar nga nëngrupet “mish” me 9.6%, “qumësht, djathë, vezë” me 9.1%, “fruta” me 7.7%, “bukë dhe drithra” me 2.3% etj.

Emigrantët ishte njëri nga faktorët që ndikoi në rritjen e çmimeve, me largimin e tyre çmimet kanë pësuar një rënie të lehtë, thonë tregtarët në Tregun e Fruta-Perimeve pranë stadiumit.

Shqetësim tjetër i tyre është tarifa e lartë e vendit dhe mospagesa e saj nga tregtarët që vijnë nga fshatrat.

Disa nga çmimet sot ne Tregun e Futa-Perimeve janë: patatja 70 lekë të reja, qepa 70 lekë të reja, domatet e fushës 100 lekë të reja, pjeshkat 100 lekë të reja, specat 60 lekë të reja, trangulli 100 lekë të reja etj.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *