Stina e verës prek fëmijët me viroza të ndryshme të cilat manifestohen kryesisht me temperaturë, kollë, vështirësi në frymëmarrje ose forma të tjera. Në urgjencën e Pediatrisë së spitalit fluksi i vizitave dhe shtrimeve të pacientëve të vegjël ka rënë ndjeshëm, në 15 shtrime në ditë. Pediatrja Nirda Xhafa thotë që përshtypje i bëjnë komplikacionet e ndryshme tek fëmijët e sëmurë që vijnë në urgjencë. Ajo thekson edhe rolin që prindërit kanë në kujdesin ndaj fëmijës në këtë stinë me temperatura të nxehta dhe viroza të shumta.
