5 shtatori është data kur Papa Françesku vendosi të shenjtërojë murgeshën katolike me origjinë shqiptare Nënë Terezën, datë e cila përkon me ditën kur ajo u nda nga jeta në vitin 1997-n.
‘’Një jetë në shërbim të tjerëve’’ ishte misioni i shënjtores Nënë Tereza, të cilës Ati i Shenjtë i njohu mrekullitë e bëra në shërimin e një gruaje nga kanceri dhe shërimi i një personi tjetër në Brazil, i prekur gjithashtu nga tumori.
Për punën dhe kontributin e saj, veçanërisht me fëmijët në Kalkuta të Indisë, Nënë Tereza u vlerësua me çmimin Nobel të Paqes.
Sot puna e saj është një frymëzim në të gjithë botën për më shumë ndihmë ndaj të varfërve.
5 Shtatori, Dita e Shënjtërimit të Nënë Terezës, është shpallur festë zyrtare. Këshilli i Ministrave miratoi një ndryshim në ligjin “Për festat zyrtare” në vend, sipas të cilit data 19 shtator që është Dita e Lumturimit të Nënë Terezës, zëvendësohej me datën 5 shtator, që është Dita e Shenjtërimit të saj.
5 shtatori i 2016-s shënoi në kalendarin Apostol Ditën e Shënjtores shqiptare, Nënë Tereza e Kalkutës.
Nënë Tereza ose Shenjtë Tereza e Kalkutës lindi në Shkup në 26 gusht 1910. Emri i saj i lindjes është Anjezë Gonxhe Bojaxhiu. Ajo vizitoi Shqipërinë për herë të parë në gusht të vitit 1989.
