Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë 35KV dhe për rrjedhojë ka ndodhur një shpërthim i fuqishëm. Mësohet se linja e tensionit të lartë ka rënë mbi depozitën e gazit, e cila furnizonte dy magazina të bizneseve.

Si pasojë e shpërthimit kanë humbur jetën dy shtetas , dhe janë plagosur 8 shtetas mes tyre dhe deputeti Bujar Çela, të cilët ndodhen në spital për ndihmë mjeksore. Landi Verçani dhe i biri janë viktimat që kanë humbur jetën në shpërthimin e fuqishëm.

Ajo që dihet deri më tani është se deputeti Bujar Çela po i nënshtrohet një ndërhyrje kirurgjikale.

Forcat e policisë, ambulanca dhe zjarrfikëset ndodhen në vendngjarje. Shpërthimi dyshohet se ka qenë shumë i fortë dhe zhurma është dëgjuar pothuajse në të gjithë qytetin.

Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.

Nga burimet në vendngjarje mësohet se viktima quhej Roland Hoxha.

Në vendngjarje mbërriti dhe ministri Taulant Balla bashkë me drejtues të lartë të policisë.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *