Presidenti i Republikës zoti Bajram Begaj ishte mbrëmjen e djeshme në ambientet e xhamisë së qytetit. Në kë vizitë në Myftininë Lushnje Presidenti shoqërohej nga Zonja e Parë. Zoti Begaj u prit nga myftiu i rrethit Lushnjë, Gramoz Blliku, i cili e shoqëroi presidentin për të parë nga afër ambientet e xhamisë së Lushnjës. Më pas presidenti Begaj shtroi iftar për besimtarët.
Në fjalën e tij para besimtarëve zoti Begaj tha se ky ishte iftari i parë që ai shtron për këtë vit dhe se ka zgjedhur Lushnjën e Kongresit për këtë.
Myftiu i rrethit Gramos Blliku falenderoi presidentin që shtroi këtë iftar për besimtarët dhe se jemi të nderuar që zgjodhe Lushnjën.
