Reagim i Drejtorisë Vendore të Policisë Fier.
Në lidhje me dy foto të publikuara në rrjete sociale, për një automjet i cili ishte futur në një zonë me pushues, në bregdetin e plazhit të Darëzezës, Fier.Shërbimet e Komisariatit të Policisë Fier, dhe Forcës së Posaçme Shqiponja, menjëherë pas publikimit të rastit, kanë identifikuar dhe shoqëruar drejtuesin e automjetit, shtetasin Sh. M., 23 vjeç, banues në fshatin Sulaj, si dhe automjetin tip “Porsche”.
Në vijim të veprimeve procedurale në lidhje me këtë rast nga punonjësit e Qarkullimit Rrugor të DVP Fier, u mor masa administrative prej 30.000 lekë të rinj, për shkeljet “Rregullimi i qarkullimit në qendrat e banuara”, neni 7/12, dhe “Sistemet e pajimit të mjeteve rrugore me motor dhe rimorkiove të tyre”, neni 72/12 të Kodit Rrugor.
Gjithashtu masë plotësuese “Pezullimi i lejes së drejtimit”, për shtetasin Sh. M.
Drejtoria Vendore e Policisë Fier falënderon dhe fton mediat e qytetarët që të denoncojnë rastet e paligjshmërive në çdo formë të shfaqjes së tyre, në numrin 112, duke iu garantuar anonimatet të plotë dhe reagim të menjëhershëm.
