Bashkia Lushnjë për 2 javë përfundon investimin për varrezat e reja, thotë Kryetarja e Bashkisë Eriselda Sefa. Plani fillestar ishte për shtrirjen e tyre në 10 hektarë, por janë sistemuar vetëm 2 hektarë tokë për shkak të situatës emergjente, pasi hapësira në varrezën aktuale të qytetit ishte ezauruar.
Ndërkohë në varrezat e vjetra do të vazhdojë të kryhet shërbimi i mirëmbajtjes dhe do të bëhet rrethimi me mur dhe gjelbërim të lartë pasi liqeni i Ksharit do të bëhet atraksion turistik.
Gjithashtu Kryetarja Sefa sqaron banorët e fshatit Allprenaj të cilët kanë kundërshtuar ngritjen e varrezave afër zonave të banuara, se varrezat nuk do të kontaminojnë ujërat e bardha.
Punimet për ndërtimin e varrezave të reja kanë filluar më 18 shtator 2023.
