Pas provimeve të maturës shtetërore,sot kanë nisur të testohen nxënësit e klasave të nënta.
Janë gjithsej 29.881 nxënës që iu nënshtruan sot provimit të gjuhës shqipe.
Nga biseda e gazetarit tonë me disa nxënës, jashtë kamerës ata u shprehën se pyetjet e testit ishin të nivelit mesatar dhe të realizueshme brenda afatit të përcaktuar në rregullore.
Ashtu sikurse matura, sërish edhe teza e provimit te gjuhës së klasës së 9 u publikua pak minuta pas nisjes se provoimit në rrjetet sociale.
Ndërkohë, provimi i radhës i klasës së 9 do të jetë ai i matematikës në 23 qershor.
Ndërsa në 26 qershor, do të zhvillohet testi i gjuhës së huaj.
Nga informacioni që morëm nga Zyra Arsimore del se provimi është zhvilluar konformë urdhëresës së ministrisë dhe pa ndonjë shqetësim.
