Bashkisë së qytetit të Lushnjës i shtohet një qendër e re shëndetësore në shërbim të qytetarëve.
Qendra u përurua ditën e djeshme dhe është realizuar me donacione të bamirësve nga shteti i Kuvajtit e pikërisht nga Fondacioni “Mirënjohja”.
Kjo qendër e shëndetit publik ndodhet në territorin e lagjes “Gafurr Muço”.
Fondacioni “Mirënjohja” ka kontribuar edhe më herët në bashkinë tonë për shtresat në nevojë, fëmijët jetimë, për sigurimin e ujit në shkolla të veçanta, në ngritjen e qendrave shëndetësore në fshat etj.
Fjalë mirënjohjeje për donatoret u thanë nga ana e myftiut të qytetit z. Gramos Blliku, me rastin e kësaj dhurate për qytetin tonw.
Në prerjen e shiritit të inaugurimit të Qendrës shëndetësore, morën pjesë edhe kryetarja e bashkisë znj. Eriselda Sefa dhe n/kr. i bashkisë z. Elton Korreshi.
Kryetarja e bashkisë tha në fjalën e saj se bashkia, falë bashkëpunimit me Myftininë e qytetit dhe Fondacionin “Mirënjohja” të donatorëve nga Kuvajti, sot kemi qendrën shendetesore me infrastrukturën më të mirë në qytet.
Përfaqësuesi i Fondacionit tha se shteti i Kuvajtit ka edhe plane të tjera ndihme për Shqipërinë.
I dërguari kuvajtian, shoqëruesit,kryetarja e bashkisë dhe qytetarët, vizituan mjediset e brendshme të institucionit të ri shëndetësor dhe shkëmbyen informacione per kompletimin e qendrës me aparaturat bashkëkohore dhe punonjësit e specializuar në shërbim të shëndetit të qytetarëve.
Në dalje nga kjo dhuratë e bamirësve të Kuvajtit, në shënjë mirënjohjeje, znj. Eriselda Sefa, kr. e bashkisë, në shenje simbolike, i dhuroi të dërguarit të Fondacionit stemën “Shtëpia Kongresi i Lushnjës”, kurse ai i dorëzoi kryebashkiakes së qytetit celësat e godinës shëndetësore.