Një 89-vjeçar është gjetur i pajetë në një kanal në fshatin Dushk të Lushnjës, në anë të hekurudhës përbri autostradës Lushnje- Tiranë.
Rasim Prodani, i cili ishte shpallur i humbur nga familjarët më 22 janar, është gjetur pas kërkimeve intensive nga policia dhe familjarët. Trupi i tij u gjet rreth orës 9:15 nga policia e Lushnjës.
Edhe pse është identifikuar trupi, ende nuk janë të qarta rrethanat e largimit të tij dhe shkaqet që çuan në humbjen e jetës së tij. Policia vijon hetimet për sqarimin e ngjarjes.
