Fier/Vijon megaoperacioni mbarëkombëtar “Sundimi i ligjit”, për kapjen e shtetasve të shpallur në kërkim. Arrestohen 3 persona të shpallur në kërkim.
Komisariati i Policisë Fier në zbatim të planit të masave të megaoperacionit “Sundimi i ligjit”, kapi dhe vuri në pranga shtetasin e shpallur në kërkim F. K., 46 vjeç. Ky shtetas është dënuar nga Gjykata e Fierit me 4 muaj burgim për veprën penale “Vjedhje”.
Komisariati i Policisë Lushnjë kapi dhe vuri në pranga shtetasin R. D., 53 vjeç. Ky shtetas është dënuar nga Gjykata e Fierit me 3 muaj burgim për veprën penale “Dhunë në familje”.
U ekzekutua masa e sigurisë “Arrest me burg”, për shtetasin S. S., 48 vjeç. Ky shtetas u ekstradua nga Greqia pasi ishte shpallur në kërkim ndërkombëtar nga DVP Fier për veprat penale “Vjedhje”, dhe “Prodhimi dhe shitja e lëndëve narkotike”.
Materialet procedurale i kaluan Prokurorisë, për veprime të mëtejshme.
