Pas prezantimit të Projektligjit “Për Policinë e Shtetit”, tek Komisioni përgjegjës për Sigurinë Kombëtare, ministri i Brendshëm dhe përfaqësues të Ministrisë së Brendshme e Policisë së Shtetit, njohën Komisionin parlamentar për Çështjet Europiane, me nismën e re ligjore.
Ministri Taulant Balla tha se ligji vendos në fokus qytetarin, duke i dhënë rol të posaçëm komunitetit, në rritjen e sigurisë publike.
Sipas tij, p.ligji përmbush detyrimet dhe detyrat që burojnë nga procesi i anëtarësimit të vendit drejt Bashkimit Europian.
“Synojmë me këtë ligj standardet më të larta të BE-së”, shpjegoi Balla.
