Një aksident automobilistik ka ndodhur mesditën e sotme pranë mbikalimit të Patokut. Mësohet se dy makina janë përplasur me njëra-tjetrën në autostradën Fushë Milot-Mamurras.
Si pasojë e përplasjes dy persona kanë mbetur të plagosur, teksa bëhet me dije se janë transportuar menjëherë për ndihmë mjekësore nga autoambulanca e Kurbinit.
Ende nuk dihet shkaku i aksidentit, ndërkohë që policia ndodhet në vendngjarje për të hetuar rrethanat dhe shkaqet.
