Një aksident i rëndë ka ndodhur rreth orës 13:30 të ditës së sotme në bypass-in e Fierit, pranë Spitalit Memorial.
Në përplasjen e fortë janë përfshirë tre automjete, “Suzuki”, “Mercedes” dhe një “Fiat.
Si pasojë e goditjes zinxhir, ka mbetur i plagosur drejtuesi i automjetit tip “Fiat,” i cili është transportuar me urgjencë në Spitalin Memorial ku ndodhet nën kujdesin e mjekëve , jashtë rrezikut për jetën.
Policia ka mbërritur menjëherë në vendngjarje për të menaxhuar trafikun ndërkohë që grupi hetimor po punon për zbardhjen e shkaqeve të aksidentit në fjalë që përvec drejtuesit të lënduar , pati dhe dëme të shumta materiale.
