Sot u kremtua në Lushnjë 5 Maji, dita kombëtare e dëshmorëve të Atdheut.
Mjaft banorë të qytetit, të afërm të familjeve të dëshmorëve, veteranë e pasardhësveteranë, të rinj e të reja,u mblodhën pranë varrezave të dëshmorëve për të përkujtuar këtë datë të shënuar në historinë e vendit.
Ndodheshin në këtë ceremoni festive edhe deputetë të kuvendit të Shqipërisë, autoritetet e pushtetit vendor dhe drejtues të organizatave të dëshmorëve e të veteranëve .
Pas himnit kombëtar, u mbajtën fjalimet e rastit.
Në emër të Organizatës së Veteranëve të rrethit përshëndeti zonja Shqipe Gjoshi, kryetare e këtij forumi
Të pranishmit i përshëndeti edhe kryetarja e bashkisë zonja Eriselda Sefa.
Ndërsa festat fetare i bashkuan politikanët e të dyja spektreve politike të qytetit, festa e dëshmorëve nuk e përcolli këtë mesazh.
Pas fjalimeve të rastit autoritetet vendore dhe të ftuarit vendosën kurora me lule pranë memorialit të dëshmorëve dhe më pas në nderim të kujtimit të 184 bijve e bijave të Myzeqesë që dhanë jetën në lulen e rinisë për çlirimin e vendit nga okupatorët, kaluan pranë varrezave të dëshmorëve.
Në respekt të kësaj feste të shënuar kombëtare përcolli një mesazh për qytetarët edhe deputeti Taulant Balla.
